Мемлекет басшысы Қасым-Жомарт Тоқаев өз Жолдауларында қоршаған ортаны қорғау, елді мекендердің санитарлық тазалығын сақтау және тұрғындар арасында экологиялық мәдениетті қалыптастыру мәселелеріне айрықша назар аударып келеді. Осы басым бағыттарды іске асыру мақсатында Сайрам ауданында кезекті санитарлық-тазалық сенбілігі ұйымдастырылды.
Аталған сенбілік Ақбұлақ ауылындағы жаңадан салынған мектеп аумағында өтіп, оған Сайрам ауданының әкімі, аудан тұрғындары, аудандық тұрғын үй-коммуналдық шаруашылық бөлімі, аудандық ветеринариялық бөлім, Ақбұлақ ауылдық округі әкімі аппараты, «Газ және тұрғын үй инспекциясы» КММ және «Көрікті Сайрам» КММ қызметкерлері белсенді қатысты.
Іс-шара барысында каналдар мен арық-атыздар, көше бойлары тазартылып, қураған ағаштар кесіліп, аумақтар санитарлық талаптарға сай ретке келтірілді. Мұндай жұмыстар елді мекендердің экологиялық ахуалын жақсартумен қатар, су арналарының өткізгіштігін арттыруға және көктемгі кезеңде туындауы мүмкін санитарлық қауіптердің алдын алуға бағытталған.
Жалпы аудан аумағындағы 11 ауылдық округте бір мезгілде ұйымдастырылған сенбілікке барлығы 2141 адам қатысып, 15 бірлік арнайы техника жұмылдырылды. Нәтижесінде полигон аумақтарына 13 тонна қатты тұрмыстық қалдық шығарылды.
Президент Жолдауларында экологиялық қауіпсіздік пен таза өмір сүру ортасын қалыптастыру – халықтың өмір сапасын арттырудың маңызды шарты екені атап өтіледі. Осы тұрғыда Сайрам ауданында өткізіліп отырған мұндай сенбіліктер Мемлекет басшысы жүктеген міндеттерді орындауға және «Таза Қазақстан» бастамасын жүйелі түрде жүзеге асыруға бағытталған нақты қадам болып табылады.
Алдағы уақытта да аудан аумағында санитарлық тазалық пен абаттандыру жұмыстары тұрақты түрде жалғасып, тұрғындардың қоршаған ортаға деген жауапкершілігін арттыруға басымдық берілмек.
