Кәсіпкер мемлекеттік бағдарламаның көмегімен 4 млн. теңге жеңілдетілген несиеге қол жеткізіп, сол қаржыға Қытай елінен соңғы үлгідегі шұлық дайындайтын құрылғы сатып алған. Қазіргі таңда ол дайын өнімді Кентау, Түркістан базарларына шығаруда.
Кәсіпкер нарықта тауарға деген сұраныстың жоғары екенін айтады. Ал, өнімге қажетті шикізат шет мемлекеттен тапсырыспен жеткізіледі екен. Алдағы уақытта цехты кеңейтіп, қажетті заттардың барлығын өздері дайындап шығаруды жоспарлап отыр.
Одан бөлек, цех басшысы жылыжай шаруашылығын да қолға алған. Кәсіпкер негізінен қияр және қызанақ егумен айналысады. Көктем айларында 20 тоннаға жуық қияр өндірген шаруа, күз мезгілінде де осы шамада қызанақ алуды жоспарлап отыр.
