Біз бейбітшілікті жақтаймыз!

Кентау балалар көркемсурет мектебінде Кеңес әскерлерінің Ауғанстан Республикасынан шығарылғанына 32 жыл толуына орай «Біз бейбітшілікті жақтаймыз!» тақырыбында жас суретшілердің көрме-байқауы болып өтті.
Байқауға жалпы саны 42 оқушы қатысты. Жас суретшілер берілген тақырыпта акварель, гуашь, бояуларымен таұырып аясында суреттерін салды. Кеңес әскерлерінің Ауғанстан Республикасындағы ерліктері туралы және соғыс атаулы болмасын, бейбітшілік барлық жерде орнасын тақырыптарын бейнеледі.


Конкурсқа қатысушы оқушылардың жұмыстарын бағалау мақсатында БКМ-нің директоры Н.Жұмаш, мектеп директорының оқу жұмысы жөніндегі орынбасары А.Карибаев және мектептің мұғалімі И.Павленко әділ-қазылық етті. Олар байқаудың жеңімпаздарын жас ерекшеліктеріне қарай 2-топқа бөліп анықтады.
Жеңімпаз оқушылар мақтау қағаздарымен және естелік сыйлықтарымен марапатталды.