Көктем мерекесі қарсаңында қала әкімінің орынбасары Б.Әлімбетов мемлекеттік бағдарламаларға қатысып өз ісін ашқан және қоғамда белсенділігімен көзге түскен әйелдер қауымын арнайы құттықтады. Қаланың өсіп-өркендеуіне қосып отырған үлестеріне алғыс білдіріп, дендеріне саулық, отбасыларына амандық, қызметтеріне табыс тіледі.
Бүгінгі таңда Кентауда мемлекеттік бағдарламаларға қатысып, қолдауларға ие болып, өзі ісін ашып отырған аналар саны артып келеді.
Өткен жылы «Еңбек» бағдарламасы аясында жаңа бизнес идеяларды іске асыру мақсатында 299 жоба қаржыландырылды. 2021 жылдың І тоқсанында 2574 отбасына атаулы әлеуметтік көмек тағайындалды. Оның ішінде 1187 отбасы көпбалалы отбасылар қатарынан.
Бүгінде Кентау қаласы мен оған қарасты ауылдарда 12195 көпбалалы отбасы, оның ішінде 4144 көпбалалы ана тұрады. 191 «Батыр ана», 1010 «Алтын алқа», 2589 «Күміс алқа» және 354 І, ІІ дәрежелі «Ана даңқы» иегерлеріне 8 наурыз халықаралық әйелдер мерекесіне орай 5834 теңгеден жергілікті бюджет есебінен біржолғы материалдық көмек көрсетілді.