Қанатты құстарға қамқор болайық

«Қаратау мемлекеттік табиғи қорығы» РМК «Қанатты құстарға қамқор болайық» тақырыбында қолөнер жұмыстары байқауын ұйымдастырды. Балалардың шығармашылығын қолдау және дамыту, өскелең ұрпақтың экологиялық мәдениетін арттыру және сирек кездесетін жануарлар мен өсімдіктерді, құстарды сақтап қалуға деген қызығушылықтарын ояту мақсатында өткен шарада мектеп оқушыларының жұмыстары талқыланды.
Жастар үлкен қызығушылықпен әртүрлі материалдардан құстарға арналған ұялар жасады.
Кентау балалар көркемсурет мектебінің оқушысы Инжу Шаметова арнайы дипломмен марапатталды. «Қаратау мемлекеттік табиғи қорығы» мекемесі атынан байқауға белсене қатысқаны үшін Мира Абдрашитова, Амина Мухтарова, Зилола Бахадирова алғыс хатқа ие болды. Кентау балалар көркемсурет мектебі әкімшілігі атынан Алина Аяшева, Салима Ертай, Арсен Мамурбек, Фатима Изатуллаева, Нұрболат Нұрғалиұлы және Ахмет Тұрсынбековке алғыс хаттар табысталды.
Жыл сайын өткізіліп тұратын дәстүрлі бұл байқау оқушылардың туған жердің табиғатына деген сүйіспеншіліктерін оятты. Мектеп әкімшілігі мен оқушылар осы байқауды ұйымдастырған «Қаратау мемлекеттік табиғи қорығы» республикалық мемлекеттік мекемесіне өздерінің алғыстарын білдірді.