Ауылдың гүлденуіне үлес қосқан азамат

Майдантал ауылдық жалпы орта мектебінде Саргелтаев Қамбарбек Шайдазымұлының атында ағылшын сыныбы ашылды.
Салтанатты шараға Кентау қалалық адами әлеуетті дамыту бөлімінің басшысы Баянғали Жұмабаев және зиялы қауым өкілдері мен ауыл ақсақалдары қатысты. Ел ағасының атқарған еңбектерін кеңінен айтып, естеліктерімен бөлісті.
Қамбарбек Шайдазым-ұлы ауыл мектебін үздік аяқтаған соң, арман қуып Алматыға барып, жоғары білім алады.
Отан алдындағы борышын өтеп келген соң, Майдантал совхозында қарапайым құрылысшы болып еңбек жолын бастаған. Кейіннен ауылдық әкімдікте экономист, бөлім меңгерушісі қызметтерін абыроймен атқарды. Сауран ауылдық округіне қарасты Майдантал ауылының әкімі, Түркістан қалалық мәслихатының депутаты ретінде ауылдың әлеуметтік-экономикалық жағдайының жақсаруына, ауылдың гүлденуіне өз үлесін қосты.