Құрметті азаматты еске алды

Б.Саттарханов атындағы БЖСМ-де «ҚР Тәуелсіздігіне — 30 жыл» мерекелік іс-шаралар аясында және Кентау қаласының «Құрметті азаматы» Мұқан Абдрахманұлы Тұрысбековты еске алуға арналған кіші футболдан 2007-2008 жылдары туылған жасөспірімдер арасында турнир өтті.


Аталған жарысқа жалпы саны 12 командада 150-ден астам жасөспірім спортшылар қатысты.
Турнирдің ашылуында Кентау қаласы әкімінің орынбасары Бекайдар Әлімбетов, Кентау қалалық мәслихатының хатшысы Талғат Балабиев және Мұқан Абдрахманұлының жұбайы мен балалары сөз сөйлеп, жас спортшыларға сәттілік тіледі.

Тартысты өткен жарыстың нәтижесі бойынша І орынды — «Кентау 1», ІІ орынды — «Жасұлан-2», ІІІ орынды — «Жасұлан-1» командалары иеленіп, тиісті дәрежедегі диплом, медаль, кубоктармен марапатталды.
Сондай-ақ, турнирде үздік ойын көрсеткен жасөспірімдерде естелік сыйлықтармен марапатталды.