Жұмыс жоспары нақтыланды

Қала әкімдігінің кіші мәжіліс залында Кентау қаласы әкімдігі жанынан құрылған жастар істері жөніндегі кеңестің отырысы өтті.
Жиынға қатысқан қалалық «Жастар ресурстық орталығы» КММ-нің басшысы Қ.Бекметов орталық тұсынан құрылған «Еріктілер қоғамының» 2020 жылы атқарған жұмыстары мен 2021 жылға жоспарланған міндеттері туралы баяндады.
Ал, қалалық мәдениет және тілдерді дамыту бөлімінің басшысы А.Байболова «Рухани жаңғыру», ҚР Тәуелсіздігіне — 30 жыл аясында жастар арасында 2021 жылы өткізілетін патриоттық іс-шаралар туралы айтып өтті.
Қалалық дене шынықтыру және спорт бөлімінің басшысы Қ.Мұсабаев жастар арасында бұқаралық спортты дамыту, спорттық үйірмелер мен аула клубтарының жұмысын жандандыру мақсатындағы жұмыстардың барысымен таныстырды.
Отырыс барысында кеңес мүшелері тарапынан нақты ұсыныстар айтылып, хаттамалық тапсырмалар берілді.