Саяси кеңестің құрамы бекітілді

«Nur Otan» партиясы Кентау қалалық филиалының кезекті ХLI есеп беру-сайлау конференциясы онлайн форматта өтті.
Конференция жұмысына «Nur Otan» партиясы Түркістан облыстық филиалы төрағасының орынбасары, облыстық мәслихат депутаты, фракция мүшесі Қ.Жантөреева, облыстық мәслихат депутаты, «Кентау трансформатор зауыты» бастауыш партия ұйымының төрағасы Х.Қожабаев, қала әкімінің орынбасары Б.Әлімбетов, қалалық мәслихат хатшысы Т.Балабиев, қалалық партия филиалы Саяси кеңесінің мүшелері, бастауыш партия ұйымдарынан ұсынылған делегаттар, үкіметтік емес ұйымдардың жетекшілері мен бұқаралық ақпарат құралдарының өкілдері қатысты. Конференция отырысына филиал төрағасының бірінші орынбасары С.Асылбеков төрағалық етті.
«Nur Otan» партиясы Кентау қалалық филиалының 2019-2020 жылдары атқарылған жұмыстары туралы есебі және алдағы кезеңге арналған міндеттері, «Nur Otan» партиясы Кентау қалалық филиалының Саяси кеңесі құрамына өзгерістер мен толықтырулар енгізу, «Nur Otan» партиясы Түркістан облыстық филиалының кезекті XLI есеп беру-сайлау конференциясына делегаттар сайлау жайы конференцияның күн тәртібіне қойылды.
С.Асылбеков Кентау қалалық филиалы Саяси кеңесінің 2019-2020 жылдары атқарылған жұмыстары туралы есебі және алдағы кезеңге арналған міндеттер туралы баяндады.
Саяси кеңестің құрамы бекітіліп, Түркістан облыстық филиалының есеп беру-сайлау конференциясына 18 делегат сайланды. Сонымен қатар, конференция делегаттарының қатысуымен жаңадан құрылған Саяси кеңестің ұйымдастыру отырыс өткізіліп Саяси Кеңес Бюросының құрамы бекітілді.
Конференцияны қорытындылаған «Nur Otan» партиясы Түркістан облыстық филиалы төрағасының орынбасары Қ.Жантөреева сайлауалды бағдарламаны жүйелі іске асыру үшін жол картасы жасалынып, бекітілгендігін, жол картасында көзделген міндеттерді орындауға, мерзімдеріне сәйкес әр тармағын уақытылы және сапалы орындауды қадағалау-фракция депутаттарының және әрбір партия мүшесінің басты мақсаты, міндеті болу керектігін жеткізді.
Конференция күн тәртібіндегі мәселелер толығымен қаралып, тиісті қаулылар қабылданды.