Жеңіс жеңімпазына құрмет көрсетті

“Nur Otan” партиясы Түркістан облыстық мәслихатының депутаты, фракция мүшесі Хайрулла Қожабаев пен «Nur Otan» партиясы Кентау қалалық филиалы төрағасының бірінші орынбасары Сағынбек Асылбеков Ұлы Отан соғысының ардагері Бадан Төребаевтың шаңырағында болып, ардагерді мерекемен құттықтады.Бадан Төребаев 1926 жылы дүниеге келген. 1944 жылы 15 қазанда әскер қатарына шақырылды. 4 ай дайындықтан өткен соң, Беларусь майданында жорық жолы басталып, ауыр шайқаста ерекше ерлік көрсетті. Кейіннен «Ерлігі үшін» медалімен марапатталды.
Берлинге дейін жалғасты. І-ші дәрежелі «Ұлы Отан Соғысы» орденімен, «Берлинді алғаны үшін», «Германияны жеңгені үшін» медальдарына ие болды. Елге 1950 жылы қараша айында оралып, еңбекке араласты.
«Мырғалымсай» кенішінде ұзақ жылдар бойы жемісті жұмыс істеп, зейнеткерлікке шықты. Отбасында 2 ұл, 2 қыз тәрбиелеп өсірген ардагер, 14 немере, 2 шөбере сүйді.