Барлық салада өсім бар

2021 жылдың І тоқсанының қорытындысымен Кентау қаласында жалпы өнім көлемі 18,1 млрд.теңгені құрап, 2020 жылдың сәйкес кезеңімен салыстырғанда 126,6% артқан. Бұл туралы қалалық экономика және қаржы бөлімінің басшысы Илхам Азизбаев айтып өтті.
Ауыл шаруашылығы саласында жалпы өнім көлемі 5713,4 млн.теңгені құрап, нақты көлем индексі 2020 жылдың сәйкес кезеңімен салыстырғанда 104,4% құрады.
Негізгі капиталға тартылған инвестиция көлемі 15560,8 млн.теңгені құрап, өткен жылдың сәйкес кезеңімен салыстырғанда 4,5 есе өсті.
Құрылыс жұмыстарының көлемі 2021 жылдың І тоқсанының қорытындысымен 2741,3 млн.теңгені құрап, өткен жылдың сәйкес кезеңімен салыстырғанда 3,4 есеге өсті.
«Ауыл — Ел бесігі» мемлекеттік бағдарламасы бойынша облыстық бюджеттен жалпы 16 нысанға 2021 жылға бөлінген қаржы 306,2 млн.теңге. Аталған бағдарлама аясында Бабайқорған ауылдық округінің 7 көшесін, Майдантал ауылдық округі, Ынталы елді мекенінің 6 көшесін, Хантағы ауылының 3 көшесін орташа жөндеу жұмыстары жүргізіледі.
«Дипломмен ауылға» бағдарламасы бойынша 2021 жылдың І тоқсанында 4 азаматқа көтерме жәрдемақы көлемінде жалпы 1166,8 мың теңге төленді.
«Нұрлы жер» бағдарламасы бойынша 2021 жылы Кентау қаласы Қаратау ықшамауданында инженерлік инфрақұрылым салу құрылысына облыстық бюджеттен 29,1 млн.теңге, Шорнақ ауылдық округі, Аша елді мекенінде ауыз су жүйелерінің құрылысына 350,0 млн.теңге бөлініп тиісті жұмыстар жүргізілуде.
— Мемлекет басшысы Қасым-Жомарт Тоқаевтың «Сындарлы қоғамдық диалог — Қазақстанның тұрақтылығы мен өркендеуінің негізі» атты жолдауындағы «Халық үніне құлақ асатын мемлекет» тұжырымдамасын іске асыру мақсатында халықтың еліміздегі әртүрлі деңгейдегі бюджеттің атқарылуы жөнінде ақпарат алу мүмкіндігі бар, — деді Илхам Азизбаев.