Қабылдауға келген тұрғындардың мәселелері оң шешімін тапты

«Nur Оtan» партиясы Түркістан облыстық филиалы төрағасының орынбасары, облыстық мәслихат депутаты Қалыйма Жантөреева Кентауда жеке қоғамдық қабылдау өткізді.
Қабылдауға қала тұрғыны Әсемкүл Оразымбетова 1993 жылғы ұлы Қуаныш Утеулиев туылғаннан бастап, денсаулығына байланысты өздігінен жүріп-тұра алмайтындығынан қол арбаға зәру екендігін айтып келген болатын. Облыстық маслихат депутаты Қалыйма Жантөреқызы, партияның «Кедергісіз келешек» және «Бақытты отбасы» жобаларын түсіндіре келе, аталған мәселе партияның назарынан тыс қалмайтындығын жеткізді.

Сондай-ақ, қабылдаудан соң, Әсемкүл Оразымбетованың шаңырағына барып, өз демеушілігімен қазіргі заман талабына сай, еуропалық үлгідегі көшеде және үй ішінде жүретін қол арбаны табыстады. Қарапайым халықтың мұң-мұқтажына құлақ асқан депутатқа қала тұрғыны ризашылығын білдіріп, алғыс айтты.
Сондай-ақ, қабылдауға келген Нұргүл Буланбай Кентау қалалық орталық ауруханасына, Анеля Абдикаримова мен Салтанат Наурузбаева «Жасыл Кентау» мекемесіне жұмыспен қамту орталығы арқылы 4 айға ақылы қоғамдық жұмысқа орналастырылды.
Оранғай ауылының тұрғыны Гүлнара Ибадуллаева және ауыл тұрғындары Оранғай ауылына 150 орындық мектеп салу қажеттігін жеткізді.
Аталған тұрғындардың өтініштеріне облыстық маслихат депутаты Қалыйма Жантөреқызы ҚР Заңдылыңына сәйкес тиісті жауап беріп, қадағалауға алатынын айтты.
Кентау қаласының тұрғыны Ақжарқын Омарова отбасылық жағдайын айтып, ағаш отынмен қамтамасыз етуге көмек сұраған болатын. Тұрғынның отбасылық жағдайын ескеріп, өтініші қанағаттандырылды.
Депутат қабылдауына келген Байылдыр ауылының тұрғыны Ақжарқын Бакилбекова Байылдыр мен Кентау қаласы арасындағы қоғамдық көліктердің демалыс күндері тұрақты жүргізуге ықпал етуін сұрады. Ауыл тұрғынының өтінішіне сай, Кентау қалалық жолаушылар көлігі және автомобиль жолдары бөліміне нақты тапсырма беріліп, оң шешілетіндігі хабарланды.