Кітап — рухани сарқылмас қазына

Адамзат баласының қол жеткізген ұлы игіліктерінің бірі білім қазынасы. Кітап білімімізді молайтады, кітаптан көп үлгі — өнеге мен тәрбие аламыз. Дана халқымыз «Батыр бірді жығады, білімді мыңды жығады» деп бекерге айтпаса керек.
Ел Тәуелсіздігінің 30 жылдығына орай және «Оқуға құштар мектеп» жобасы аясында Әл-Фараби атындағы №14 мектеп-гимназиясының кітапханасында «Кітап — рухани сарқылмас қазына» атты балалар кітап апталығы ұйымдастырылды.
Балалардың кітапқа деген сүйіспеншілігін арттыру, рухани байлығын, шығармашылық қабілетін арттыру максатында өткен жиында «Кітап — рухани сарқылмас қазына» атты тақырыпта балалар кітап көрмесі ұйымдастырылды.
1-ші сыныптар арасында «Кел, балалар оқылық» атты мақал-мәтелдер сайысы өтті. 8-ші сыныптарға «Бауыржан — батыр тұлға» атты кітап көрмесі таныстырылып, 3-ші сыныптар ертегілер еліне саяхат жасады. Қазақ поэзиясының әйгілі тұлғасы, жырау, жыршы Ж.Жабаевтың 175 жылдығына орай ақын өлеңдерінен оқырмандар көркем сөз оқыды.
Апталықтың соңғы күні «Саусағынан бал тамған» атты сурет байқауы өтті. Апталыққа балалар белсенділікпен катысты.