Ел Тәуелсіздігінің 30 жылдығы мен Қажымұқан Мұңайтпасұлының 150 жылдығына орай Б.Момышұлы атындағы №12 жалпы орта мектебінде қазақ күресінен жарыс өтті.
Оқушыларды патриоттық сезімге тәрбиелеу және дене шынықтыру және спорт арқылы салауатты өмірге баулу мақсатында өткен мектепішілік бәсекеге жастар жоғары белсенділікпен қатысты. 8-9 сынып оқушылары боз кілемде кездесіп, өзара күштілерді анықтады.
Нәтижесінде бірінші орынды Нұрсұлтан Қаратаев жеңіп алса, екінші орынды Еркебұлан Мұрат иеленді. Ал, үшінші орынды Нұрқадір Абилов пен Ерасыл Бейсенбек өзара бөлісті.
Аталған жарыстардың барлығы карантин талаптарын сақтай отырып өткізілді.