«Жұлдызға қадам» кентаулықтардың жұлдызын жандырды

Түркістан қаласында Халықаралық «ЖҰЛДЫЗҒА ҚАДАМ» өнер байқауы өтті.
Көркем әдебиетті насихаттауды жандандыру және талантты жастарды табу, қазақ әдебиеті классиктерінің шығармаларын орындау арқылы қазақтың көркем әдебиетіне, қазақтың тілі мен мәдениетіне деген ықыласын арттыру мақсатында ұйымдастырылған байқауға Петропавл, Павлодар, Тараз, Шымкент, Қызылорда, Түркістан, Кентау қалаларының өнерпаздар қатысты.
Онда хореографиялық, вокалдық, аспаптық және көркемсөз оқудан 200-ге жуық үміткер сынға түсті.
Аталған сайыста Кентау қаласының оқушылары Ақжүніс Мұсаханова мен Нұрхат Ибадулла 1 орынды иеленді.
Екі өнерпазға Түркия, Қырғызстан, Өзбекстан елдерінде өтетін халықаралық байқауға тегін жолдама берілді. Енді жастар өнерлерін шет мемлекетке барып дәлелдеп, әлемдік үздіктер қатарынан көрінетін болады.