Қазақстан Республикасы Қаржы Министрлігінің Мемлекеттік кірістер комитетінің Түркістан облысы бойынша Мемлекеттік кірістер Департаменті басшысының 2021 жылдың 20 тамызындағы № 214-ж бұйрығымен Сауран ауданы бойынша Мемлекеттік кірістер басқармасының басшысы болып Кишибаев Байдулла Жүнісбекұлы тағайындалды.
Кишибаев Байдулла Жүнісбекұлы 1-наурыз 1966 жылы Түркістан қаласында дүниеге келген. Білімі: жоғары «Экономист», «Заңгер».
Еңбек жолында Түркістан қаласы бойынша салық комитетінің салық төлеушілермен жұмыс жүргізу бөлімінің бас маманы, сектор меңгерушісі, бөлім бастығы болып еңбек етті. Сондай-ақ, Түркістан қаласы бойынша салық басқармасы бастығының орынбасары, Түркістан қаласы бойынша Мемлекеттік кірістер басқармасы бастығының орынбасары, Кентау қаласы бойынша Мемлекеттік кірістер басқармасының басшысы қызметтерін абыроймен атқарды.
Қазақстан Республикасы Қаржы Министрлігінің Мемлекеттік кірістер комитетінің Түркістан облысы бойынша Мемлекеттік кірістер Департаменті басшысының 2021 жылдың 20 тамызындағы № 214-ж бұйрығымен Кентау қаласы бойынша Мемлекеттік кірістер басқармасының басшысы болып Тилепбаев Арман Кембайұлы тағайындалды.
Тилепбаев Арман Кембайұлы 25-қараша 1985 жылы Түркістан облысы, Кентау қаласында дүниеге келген. Білімі: жоғары «Экономист».
Еңбек жолында Кентау қаласының қаржы бөлімінің салық агенті, жетекші маманы, Кентау қаласы бойынша салық басқармасының «Салықтарды әкімшіліктендіру және салық төлеушілермен жұмыс жүргізу» бөлімінің бас маманы, «Өндіру және ұйымдастыру-құқықтық жұмыс» бөлімінің бас маманы, «Салықты әкімшілендіру» бөлімінің бас маманы, «Салықты әкімшілендіру» бөлімінің бөлім басшысы, Кентау қаласы бойынша Мемлекеттік кірістер басқармасы басшысының орынбасары қызметтерін абыроймен атқарды.
