Канвассинг — кездесу өтті

Канвассинг — кездесу
«Nur Otan» партиясының «Ардагерлерді ардақтайық!» жобасы аясында қалалық мәслихат хатшысы Талғат Балабиев ардагерлер ұйымының төралқа мүшесі, Кентау Экскаватор зауыты ардагерлер бастауыш ұйымының төрағасы Нұрлан Қалымбетовпен кездесті.
Нұрлан Спанұлы Ы.Алтынсарин атындағы №1 мектептің түлегі. Өскемен қаласындағы Жол құрылыс институтының «Жол құрылыс машиналар және жабдықтары» факультетін бітіріп, «Инженер механик» мамандығын меңгерді. Кейін арнайы жолдамамен Кентау қаласына келіп, Экскаватор зауытында еңбек етті. Бас механик, инженер инструктор, бөлім басшысы, цех бастығы, бас инженердің орынбасары, зауыттың бас менеджері, техникалық директоры болып абыройлы қызметімен көрінді. Көп жылғы еңбегіне орай Нұрлан Спанұлы «Қазақстанға еңбегі сіңген машина жасаушы» атағын алды. Бүгінде қалалық ардагерлер ұйымының төралқа мүшесі, Кентау Экскаватор зауыты ардагерлер бастауыш ұйымының төрағасы ретінде қоғамдық жұмыстарға белсенді түрде араласып келеді.
Кездесуде «Nur Otan» партиясының 2025 жылға дейінгі «Өзгерістер жолы: Әр азаматқа лайықты өмір!» атты сайлауалды бағдарламасының орындалу барысы бойынша кең көлемді сұхбат жүргізілді. Талғат Рахымұлы қаланың болашақ даму жоспарымен таныстырды. Қаладағы экскаватор зауытында көп жылдар бойы қызмет еткен Нұрлан Қалымбетов қаладан өндіріс орындарын ашу, жұмыссыздықты жою жайы бойынша біршама мәселелерді сөз етті. Сонымен қатар, көшбасшы партия қолға алған жұмыстарға қолдауын білдірді.
Кездесуде жастар тәрбиесі, руханият, халықтың әлеуметтік жағдайды арттыру бағытында орамды ойларды ортаға салды.