«Құрметті азаматты» еске алуға арналған турнир өтті

«Nur Otan» партиясының 2025 жылға дейінгі «Өзгерістер жолы: Әр азаматқа лайықты өмір!» атты сайлауалды бағдарламасы – аса ауқымды, нақты жоспарланған, қажетті ресурстармен қамтамасыз етілген мақсаттар мен бағдарлар жиынтығы. Бүгінде аталған бағдарламаны жүзеге асыру барысында Кентау қаласында көптеген жұмыстар іске асып келеді.

Осыған орай ұстаздар арасында Кентау қаласының «Құрметті азаматы» Мұқан Тұрысбековты еске алуға арналған волейбол мен үстел теннисінен қала біріншілігі өтті. Жиынға қатысқан қалалық мәслихат хатшысы Талғат Балабиев Мұқан Әбдірахманұлы жайындағы естеліктермен бөлісті. Іс-шараға қонағы, қала жанашыры Мариаш Жакеева да аптал азаматтың халыққа жасаған ерен еңбегін атап өтіп, жүрекжарды сөздерін жеткізді. Жарысқа қатысқан ұстаздар қызықты да тартысты ойын көрсетті. Нәтижесінде жеңімпаз атанған командалар арнайы жүлделермен марапатталды.