Кентау кампусында Тәуелсіздік күні атап өтілді

Қ.А.Ясауи атындағы Халықаралық қазақ — түрік унивеситетінің Кентау институтында Ел Тәуелсіздігінің 30 жылдық мерейтойына орай мерекелік іс — шара өтті. Салтанатты жиынға қала әкімінің орынбасары Ақнұр Байболова, қалалық мәслихат хатшысы Талғат Балабиев, «Nur Otan» партиясы Кентау қалалық филиалы төрағасының бірінші орынбасары Досхан Одаманов, Кентау кампусының директоры Профессор Камалбек Беркимбаев қатысып, институт ұстаздары мен қызметкерлерін және студенттерді Тәуелсіздік мерекесімен құттықтады.
Жиынға Кентау қаласының Желтоқсан оқиғасына қатысқан тұрғындары да шақырылды. Мәртебелі қонақтар тәуелсіздік туралы ойларымен бөлісе отырып, жастарға ақыл кеңестерін де айтты. Шара барысында қонақтарға сый-сияпат жасалды. Сонымен қатар, Қазақстан Республикасының Тәуелсіздігінің 30 жылдығы мен оқу орнының құрылғанына 30 жыл толуына орай өткізілген студенттер спартакиадасында жүлделі екінші орын алған Кентау кампусының білім алушылары Алғыс хатпен марапатталды. Іс-шара студенттер әзірлеген концерттік бағдарламаға жалғасты.