Кентау қаласы адами әлеуетті дамыту бөліміне қарасты білім ошақтарының оқушылары еліміздің Тәуелсіздігіне тарту жасады. Игі шарада қала әкімінің орынбасары Ақнұр Байболова айтулы мерекемен құттықтады. Ынтымақ алаңына жиналған 300 ге жуық оқушылар патриоттық әндерге билеп, көпшілікке мерекелік көңіл күй сыйлады. Сондай-ақ, Тәуелсіз Қазақстанның ұрпақтары айбынды елдің Егемендігін айшықтайтын 30 санын көрсете отырып елге тарту жасады.
Сонымен қатар қалада велошеру өтті және тезедегі Ту акциясы ұйымдастырылды.Онда әрбір көп қабатты үйге Мемлекеттік ту ілінді.