Ел Тәуелсіздігінің 30 жылдығын кентаулықтар жоғары деңгейде атап өтті

«Ел Тәуелсіздігінің 30 жылдығын кентаулықтар жоғары деңгейде атап өтті», -деп хабарлайды kentauinfo.kz тілшісі.
Салтанатты шарада қала әкімі Дәурен Махажанов қала жұртшылығын мерекемен құттықтады.

«Тәуелсіздіктің тағы бір тамаша жетістігі — Елбасы Жарлығымен Түркістан облысының қайта құрылып, рухани шаһарға облыс орталығы мәртебесі берілуі. Күллі түркі әлеміне қуаныш силаған жаңалық Кентауға да жаңа леп берді» деді Дәурен Махажанов.

Салтанатты шарада Кентау қаласының өсіп-өркендеу жолында аянбай еңбек етіп жүрген ардагерлер мен қоғам белсенділері «Шапағат» орденімен және «Ерен еңбегі үшін» медальімен, «Тәуелсіздікке 30 жыл» мерекелік төс белгісімен және облыс, қала әкімінің алғыс хаттарымен марапатталды. Одан бөлек, бірқатар азаматтарға облыс әкімінің «Құрмет грамотасы» берілді.
Дәл осындай құрметті қалалық мәслихат хатшысы Талғат Балабиевте көрсетті. Тәуелсіздік жылдары Кентау қаласы да үлкен жетістіктерге қол жеткізді. Инфрақұрылым жұмыстары қарқынды жүргізілді. Жаңа аймақтар құрылып, ауылдардың әлеуеті артты. Қаланың жаңа бас жоспары әзірленуде. Жолдар салынып, ескірген үйлерге жаңарту жұмыстары жүргізіліп, балаларға заманауи ойын алаңшалар салынды. Жастарымыз әлемнің озық оқу орындарында білім алу үшін, білім ордалары жаңарып, жаңғырды.

Салтанатты шара Тәуелсіздігімізге арналған концерттік бағдарламамен ұласты.