Бұл туралы Түркістан облысының әкімі Дархан Сатыбалды Түркістан қаласы тұрғындарымен кездесуінде айтты.
— Түркістан қаласының тұрғын үй қорынан 2023 жылы 720 пәтер беру көзделген. Оның ішінде көпбалалы 500 отбасына пәтер беруді жоспарлап отырмыз. Сондай-ақ, былтыр «Отырар» мөлтек ауданындағы 68 көпқабатты тұрғын үйдің аумағында 5,3 гектар жерге гүлзар салынды. Үйлердің сыртына сәулеттік жарық шамдар орнатылды, — деді облыс басшысы.
Кездесуге келген түркістандықтар қаладағы жолдардың сапасын жақсарту, жөндеу, қоғамдық көлік бағытын реттеу, көшелерге тас, асфальт төсеу, көпір салу, тұрғын үй, сыбайлас жемқорлықпен күрес, және тағы басқа мәселелерді көтерді.
Өңір басшысы тұрғындар тарапынан қойылған өзекті сұрақтарға жауап берді. Жеке қабылдауда да бірқатар мәселе айтылып, шешу жолдары айтылды. Кездесу аясында нақты тапсырмалар беріліп, орындалу мерзімдері белгіленді.
